ЗЕРЕНДІДЕГІ ТУРЛАР

Бұл “Көкшетау” МҰТП-нің каньондарын, бұлақтарын, тарихи және табиғи ескерткіштерін танып білу үшін арналған саяхат. Сізді ұмытылмастай ғажайып табиғат көріністері, жүзумен хош иісті шай рәсімі күтуде. Түскі ас қосымша ақы негізінде ұсынылады.

экскурсия бағасына кіретін қызметтер:

1. Көлік.
2. Экскурсия барысындағы гид қызметі.
3. Бағдарламаға кіретін көрнекі жерлерге билет.
4. ЕҚТА пайдаланғаны үшін Қазақстан Республикасының заңнамасында қарастырылған салықтар, алымдар және маршруттық парақты төлеу .

Көлік: жеңіл автомобильдер, “Хундай Старекс”, “Тойота Хайс”, “Мерседес Спринтер” мини-автобустары, туристік автобустар

Сіздер үшін жайлы автобустар мен білікті гид-экскурсоводтар қызмет атқарады.

Экскурсияның бағдарламасы мен бағыты қонақтардың қалауына сәйкес өзгере алады.

Автобустар балаларды тасымалдау үшін барлық қажетті құралдармен жабдықталған. Бейне жүйесі, Теледидарлар.
Барлық экскурсиялық бағдарламалар әр топ үшін жеке дайындалған.
Автобустарды жол полициясы патрульдік көлігі алып жүреді.
Экскурсия екі тілде (қазақ, орыс) жүргізілуі мүмкін)
Тапсырыс берушімен келісім бойынша бағдарламада өзгерістер болуы мүмкін.

Экскурсиялар ыңғайлы автобустарда, гид пен экскурсоводтың қолдауымен өткізіледі.
Автобустар балаларды тасымалдау үшін барлық қажетті құралдармен жабдықталған. Бейне жүйесі, Теледидарлар.
Барлық экскурсиялық бағдарламалар әр топ үшін жеке дайындалған.
Автобустарды жол полициясы патрульдік көлігі алып жүреді.
Экскурсия екі тілде (қазақ, орыс) жүргізілуі мүмкін)
Тапсырыс берушімен келісім бойынша бағдарламада өзгерістер болуы мүмкін.

Маршрут ұзақтығы: 4,8 км екі жаққа, ұзақтығы аялдаманы ескере отырып 3 сағат 10 мин,
2.Қозғалыс түрі: су

Соқпақтың қысқаша сипаттамасы (сипаты):

Маршрут «Көкшетау» МҰТП РММ Зеренді филиалының аумағы бойынша «Зеренді» көлінің аумағында өтеді. Қозғалыс «Восточная» демалыс базасынан басталады.

Бұдан әрі «Лагуна» д/б танысу және демалыс мақсатында тоқтау. Ары қарай қозғалысты «Зеренді» көлінің шығыс жағы бойынша жалғастырамыз.

«Зеренді» көлі Зеренді тауларының солтүстік-шығыс беткейлері маңында орналасқан. Зеренді көлінің максималды тереңдігі 8,5 м құрайды, орташа – 1.8 м. Теңіз деңгейі үстінен абсолюттік белгісі 370,4 м құрайды, көлдің ұзындығы – 5,3 м, ені – 3,4м, көп жылғы кезеңге айнасының максималды алаңы орташа алғанда – 10км², жағалау

желісінің ұзындығы – 21,3км. Көлдің беті ашық, тек батыс бөлігінде 100-150 м қамыс өскен.

Бұдан кейін топ «Орманды бұлақ» филиалының балансындағы «Айзере» д/б маршрутына жақындайды, танысқаннан кейін «Восточная» д/б қайта барады.

Соқпақ жібі: «Восточная» демалыс базасы – демалу алаңы – жартылай арал «Көк мүйіс» – демалу алаңы – «Восточная» демалыс базасы.
Қашықтығы: 6,8 км екі жаққа да, ұзақтығы 2 сағат 40 мин, аялдамаларды ескере отырып.

Соқпақтың қысқаша сипаттамасы:
Соқпақ «Көкшетау» МҰТП РММ Зеренді филиалы аумағы бойынша өтеді. Қозғалыс «Восточная» демалыс базасынан басталып, қарағайлы орман бойынша демалу алаңына дейін Зеренді көлі жағалауының оңтүстік-батыс бағытында жалғасады. Демалу алаңы Зеренді балық өсіру орталығының сорғыш станциясының жанында орналасқан. Демалу алаңында ұзақ емес демалыс қарастырылған.

Зеренді көлі Зеренді тауының солтүстік-шығыс беткейлерінің жанында орналасқан,Зеренді көлінің максималды тереңдігі 8,5 м құрайды, орташа тереңдігі – 1.8 м, көл ұзындығы – 5,3 км, ені – 3,4 м, көп жылғы кезеңге айнасының максималды алаңы орташа алғанда – 10км², жағалау желісінің ұзындығы – 21,3км. Теңіз деңгейінен оның үстінің абсолютты белгісі 370,4 м құрайды.

Көл үсті барлық жерде ашық, тек батыс бөлігінде жағалаулық белесінің ені 100-150 м қамыс өскен. Көлдің түбі негізінен біркелкі, құмды, малта тасты және қой тасты.

Бұдан кейін қозғалыс автомобильдік жол бойынша шлагбаумға дейін жалғасады «Көк мүйіс» ж/алаңына дейін.

Қарағайлы орман арқылы өтетін жолда Зеренді көлі жағалауына шығамыз, ол жерде ұзақ демалыс қарастырылған.

Бұл жерлерде саңырауқұлақтар көп – грузди, майқұлақтар мен арыштар, ақ саңырауқұлақтар, терекқұлақтар мен қайың саңырауқұлақтар, сазқатпа және қатпаршақ және т.б. кездеседі.

Орман жидегін де кездестіруге болады – шие, жидек, құлпынай, қой бүлдірген.

Маршрут жібі: «Сұңқар» СК – «Орманды бұлақ» қорғаны және қорымдары – «Қарсақ» археологиялық ескерткіші – «Өмір суы» сарқырамасы – «Орман алаңы» – «Жыланды» шоқысы – «Айдаһар үңгірі».
Қашықтығы: 87 км екі жаққа, аялдаманы ескере отырып уақыт ұзақтығы 28 сағат.

3. Маршруттың қысқаша сипаттамасы:
Маршрут «Орманды бұлақ» филиалының аумағында өтеді. Туристік маршруттың қозғалысы Зеренді филиалының аумағында орналасқан «Сұңқар» сауықтыру кешенінен батысқа қарай тас жолдан басталады.

20 минуттық жолдан кейін маршрут «Орманды Бұлақ» қорғандары мен қорымдарына әкеледі. 2010 жылы археологиялық зерттеу жұмыстары кезінде мал жайылымы мен егін шаруашылығына арналып жыртылған жерлерге жататын аумақта ғылыми тұрғыда қызығушылық танытатын біздің эрамыздан 2 мың жыл бұрынғы қола дәуіріне жататын, жоғары биік қыраттағы Қарсақ ауылынан оңтүстік шекараға қарай 4 шақырым жерде орналасқан «Орманды Бұлақ» ескерткіші табылды.

Орманды бұлақ қорымы «Мостовой» кордонынан оңтүстік-оңтүстік шығысқа қарай 3,5 шақырым және Қарсақ-Красный Кордон селолары бағытындағы асфальтсыз жолдан оңтүстік-шығысқа қарай 1,2 шақырым жерде орналасқан. Қола дәуірінен басқа ерте темір дәуірі мен орта ғасырлық кезеңге жататын қорғандар да кездесті. 50-ге таман жерлеу орындары байқаланды. Олардың диаметрі 6-дан 30 м-ге және биіктігі 0,2-ден-1,5 м-ге дейін жетеді. Қорған құрылымы мынандай болып келеді: тасты тақталар сақина тәріздес жағалай жабылған, тақталардың ұзындығы 2-2,5 м-ге, ал биіктігі 1,5 м дейін жетеді.

Қорым шұңқырлары тік бұрышты, трапеция тәріздес болып келеді. Шұңқырлардың жалпы тереңдіктері 80-180 см аралығында. Барлық қорым шұңқырларында бөренелерден жасалған ағаш құрылымдардың қалдықтары табылды. Анықталған шұңқырлардың біреуі тоналған, оны растайтын жағдай,қабір шұңқырында тәртіпсіз жағдайда жатқан ағаштың фрагменттері анықталды. Қорымдардың біреуінде 130-140 см тереңдікте анатомиялық тәртіпте адамның қаңқасы анықталды.

Бірнеше минут өткеннен кейін топ қола дәуірінің «Қарсақ» қонысы мен зираттар археологиялық ескерткішінің жанында болады. «Қарсақ» қонысы Шағалалы өзенінің сол жақ жағасында 1000 шаршы метр жерді алып жатыр. Бұл жерде орналасуы, формасы және өлшемі сан алуан 18 тұрғын ойпаттардан құрылған шағын топ анықталған. Қазба жұмыстарды жүргізген кезде 20-105 м тереңдікте заттар табылды. Табылған заттар арасында керамика бұйымдардың сынықтары, тастан жасалған қару-жарақ бөлшегі, анықталмаған қола бөліктері, құмыра және көптеген жануарлар сүйектері бар. Ескерткіш б.з.д ІІ мыңжылдықтың ортасында Орталық Қазақстанда тұрған қола дәуірінің алакөл тайпаларынан қалуы мүмкін.

«Қарсақ» зираттары Шағалалы өзенінің сол жақ жағасындағы тегіс жерде орналасқан. Зираттар дөңгелек пішінді әр түрлі диаметрлі, жан –жағы тастармен қоршалған. Қарсақ зираттарында қазба жұмыстарын жүргізген кезде осы қоныста өмір сүрген тұрғындардың ежелгі жерлеу орындары табылған.

«Қарсақ» тұрағы және зираттардан кейін қозғалыс оңтүстік бағытта тас жолмен «Өмір суы» сарқырамасына қарай жаяу жалғасады.

Бұл әдемі, таңғажайып жер итмұрын және шие бұталарымен жамылған жартастар арасында ағып өтетін Шағалалы өзенінде орналасқан. Сарқырама ағатын жерде өзеннің жағасы тік құламалы, биік және тасты болып келеді.Осында топ палаталық лагерь құрып түнеуге тоқтайды.

Келесі күні туристтер Үлгілі ауылына қарай далалы және орманды жолдармен жүреді. 1,5 сағат уақыттан соң топ шағын орманды алаңға демалу үшін тоқтайды.

Келесі демалу үшін аялдама қарағайлы орман арасындағы Жыланды шоқысының етегінде. Бұл жерде ағатын «Ясная падь» бұлағының таза суынан дәм тату үшін туристтер қысқа уақытқа тоқтайды.

Бұл жерде жыландар кездесетіндіктен шоқыны Жыланды деп атап кеткен.

Ары қарай қозғалыс оңтүстік бағытта Үлгілі ауылына қарай жалғасады. Топ бұл маршруттың бөлігін де жаяу өтеді.

Маршруттың соңғы нүктесі Үлгілі ауылына жақын жерде (ауылдан шығысқа қарай 1 км) Қауқарағай шоқысында орналасқан «Айдаһар» үңгірі. Үңгірдің ұзындығы Жыланды шоқысына қарай 2км-ге дейін жетеді (жергілікті тұрғындардың айтуынша) Қарт адамдардың айтуынша үңгірде төңкеріс кезінде Ақ және Қызыл әскердің кулактары мен сарбаздары кезек-кезек тығылған.

2007 жылы «Көкше» академиясының өлкетанушылары үңгірді ашу бойынша жұмыстар жүргізді.

2009 жылы үңгірдің кешенді спелеологиялық зерттелуі, өтетін орындарды топырақтан және тастардан тазарту басталды.

Үңгірдің атауы айдаһар туралы аңызға байланысты. Айдаһар тек қана жабайы аңдарға ғана емес, сонымен қатар үй жануарларына, жергілікті тұрғындарға қауіп төндірген. Суық түскенде айдаһар үңгірді паналап, жылыну үшін кірген кезде Кейкі батыр өзінің сарбаздарымен үлкен таспен үңгірдің аузын жауып тастайды

Бұл жерден туристтер «Сұңқар» СК автобуспен оралады.

Соқпақтың сызбасы

1. Соқпақ жібі: Орман алаңы – «Қабан» бұлағы – «Шиелі» шоқысы – «Қашқын» –«Тасбақа», Австрия қабырға шоқылары – «Қабан» бұлағы – Орман алаңы.
2. Қашықтығы: екі жаққа 8 км, аялдаманы ескере отырып уақыт ұзақтығы 3сағат 40 минут.
3. Соқпақтың қысқаша сипаттамасы:
Соқпақ «Көкшетау» МҰТП аумағы арқылы өтеді. Қозғалыс «Сұңқар» сауықтыру кешені орман алаңқайынан орман жолы бойымен қайыңды тоғай мен жас қарағайлы орманды бойлай «Кабаний» бұлағының жанынан «Шиелі» шоқысына дейін жалғасады. Орман алаңқайының ортасындағы бұл кішігірім шоқы тобылғы және шие бұталары арасында орналасқан. «Шиелі» шоқысынан 1,5 км арақашықтықта «Қашқын» шоқысы орналасқан. Бұл шоқының теңіз бойынан ұзындығы 560 м құрайды. «Қашқын» шоқының шыңынан орман алқабын, Зеренді көлін, «Көк мүйіс» жартылай аралын және «Аю» шоқысын тамашалауға болады, «Аю» шоқысының теңіз бойынан ұзындығы 687 м құрайды
«Қашқын» шоқысынан түскен соң ұзындығы 19 шақырым «Австриялық қабырға» тасына келеміз. Ол 1914-1917 ж.ж. тұтқындағы австриялықтармен салынған. Ол мемлекеттік және шіркеулік ормандық алқаптарын бөліп тұрған. Әрі қарай «Тоқылдақ асханасына» келеміз, бұл жарылған қарағай ағашы – қарағай бүршігін азық ретінде пайдаланған тоқылдақтың мекені, әрі қарай танк пішініне ұқсас тас үйінділерін кездестіреміз, содан соң «Тасбақа» ландшафты табиғат ескерткіші көрінеді, бұл жерде тасбақаның сауыты мен басын анық байқауға болады.
Содан соң соқпақ «Қабан» бұлағынан өтеміз, бұл жерде қырықбуын мен қырыққұлақ мол өсіп тұр, ол жерден көпір арқылы өтіп орман соқпағына шығамыз. 800 метрден кейін соқпақ бастапқы, орман алаңы нүктесіне алып келеді.